• पात्रो
  • मौसम booked.net

लुम्बिनी प्रादेशिक अस्पतालमा उपचाररत दुई जनाको कोरोना संक्रमणबाट मृत्यु

काठमाडौं । कोरोना संक्रमणबाट रुपन्देहीमा थप दुई जनाको मृत्यु भएको छ । लुम्बिनी प्रादेशिक अस्पताल बुटवलका अनुसार अस्पतालमा उपचाररत बुटवलकी ६७ वर्षीया महिलाको आइतबार दिउँसो १ बजे मृत्यु भएको छ । साउन ३१ गत कोरोना संक्रमण पुष्टि भई अस्पतालमा भर्ना भएकी उनलाई स्वास प्रस्वासमा समस्या दीर्घ रोगी, रक्तचाप तथा मिर्गौलासम्बन्धी रोग भएकोसमेत अस्पतालले जनाएको छ ।

त्यस्तै रुपन्देहीकै समसरीमाई २ मुडुलाका ३८ वर्षीय पुरुषको पनि बुटवल कोभिड विशेष अस्पतालमा उपचारका क्रममा मृत्यु भएको छ । भदौ १ गते संक्रमण पुष्टि भई स्वासप्रस्वासमा समस्या भएपछि उनलाई सघन कक्षमा भेन्टिलेटरमा राखेर उपचार भइरहेको थियो । उपचारकै क्रममा उनको पनि आइतबार दिउसो १ बजेर दश मिनेटमा मृत्यु भएको अस्पतालले जनाएको छ।

अस्पतालमा अझै १४ जनाको आइसियुमा राखेर उपचार भइरहेको छ । जसमध्ये थप ६ जनाको अवस्था गम्भीर रहेको अस्पतालले जनाएको छ।

७ भाद्र २०७७, आईतवार

फेसबुकबाट तपाईको प्रतिक्रिया

Leave a Reply

Your email address will not be published. Required fields are marked *

%d bloggers like this: