• पात्रो
  • मौसम booked.net

कोरोना नियन्त्रण र रोकथामका लागि काठमाडौं महानगरपालिकाको निः संक्रमण अभियान

काठमाडौं । काठमाडौं उपत्यकामा निषेधाज्ञाका समयमा पनि काठमाडौं महानगरपालिकाले कोरोनाभाइरस नियन्त्रण र रोकथामका लागि निःसंक्रमण (डीस–इन्फेक्टेन्ट) छर्ने कार्यलाई निरन्तरता दिदैँ आएको छ । कोरोनाभाइरसको संक्रमण फैलिन नदिन संक्रमण देखिएका र जोखिमयुक्त क्षेत्रसँगै सार्वजनिक स्थानहरुमा निसंक्रमण गर्ने कार्यलाई निरन्तरता दिएको काठमाडौँ महानगरपालिकाले जनाएको छ ।

महानगरपालिकाले कोभिड–१९ को माहामारीसँगै टेकु, वीर अस्पताल, कालीमाटी फलफुल तथा तरकारी बजारलगायतका स्थानमा सुरुदेखि नै डीस–इन्फेक्टेन्ट कार्यलाई निरन्तरता दिदैँ आएको मेयर विद्यासुन्दर शाक्यले जानकारी दिए । मेयर शाक्यका अनुसार, संक्रमण देखिएका ठाउँ, अस्पताल क्षेत्र र सार्वजनिक क्षेत्रमा निसंक्रमण गर्ने कार्यलाई अहिले पनि निरन्तरता दिँदै आएको छ ।

यसका लागि दैनिक १० वटासम्म सवारी र उपकरण परिचालन गर्ने गरिएको छ । कोभिड–१९ को संक्रमण रोकथाम र नियन्त्रणका लागि काठमाडौँ महानगरपालिकाले ३२ वटै वडामा डीस–इन्फेक्टेन्ट गर्ने र दैनिक ५ वटा टोलीले काम गर्दै आएको महानगरले जनाएको छ ।

६ भाद्र २०७७, शनिबार

फेसबुकबाट तपाईको प्रतिक्रिया

Leave a Reply

Your email address will not be published. Required fields are marked *

%d bloggers like this: