• पात्रो
  • मौसम booked.net

विश्वमा कोरोना संक्रमितको संख्या दुई करोड ९१ लाख नाघ्यो

विश्वभर महामारीको रुपमा फैलिएको कोरोना भाइरस संक्रमितको संख्या २ करोड ९१ लाख नाघेको छ । पछिल्लो २४ घण्टामा २ लाख ४३ हजारभन्दा बढीमा संक्रमण पुष्टि भएसँगै संक्रमित संख्या २ करोड ९१ लाख ८१ हजार ८ सय नाघेको छ । यस्तै, एकैदिन २ लाख २० हजार ६४० कोरोना संक्रमणमुक्त भएका छन् । हालसम्म कोरोनाबाट निको हुनेको संख्या २ करोड १० लाख २६ हजार ७९० पुगेको छ । निको हुनेको यो संख्या कुल संक्रमितको ७२ प्रतिशत हो ।

यस्तै, एकै दिन थप ३ हजार ९०५ को मृत्यु भएसंगै कोरोना संक्रमणका कारण विश्वभर मृत्यु हुनेको संख्या ९ लाख २८ हजार २७६ पुगेको छ । संक्रमितमध्ये ७२ लाख २६ हजार ८ सय बढीको विभिन्न अस्पतालमा उपचार भइरहेको छ भने ६० हजार ४ सय बढीको अवस्था गम्भीर रहेको वल्डोमिटरमा उल्लेख छ ।

विश्वका २१६ देशमा फैलिएको कोरोना संक्रमणका कारण सबैभन्दा बढी प्रभावित अमेरिका भएको छ । अमेरिकामा संक्रमितको संख्या ६७ लाख ९ हजार ४ सय नाघेको छ । कोरोनाका कारण १ लाख ९८ हजार ५ सय बढीको मृत्यु भएको छ भने ३९ लाख ७४ हजार ९ सय मानिस निको भएका छन् ।

यस्तै, भारतमा कोरोना संक्रमितको संख्या ४८ लाख ४५ हजार नाघेको छ । भारतमा कोरोनाका कारण मृत्यु हुनेको संख्या ७९ हजार ७५४ पुगेको छ भने ३७ लाख ७७ हजार भन्दाबढी संक्रमणमुक्त भएका छन् । ब्राजिलमा ४३ लाख ३० हजार ४ सय मानिस संक्रमित भएका छन् भने १ लाख ३१ हजार ६ सय बढीको मृत्यु भएको छ । संक्रमितमध्ये ३५ लाख ७३ हजार ९ सय भन्दाबढी निको भएका छन् ।

२९ भाद्र २०७७, सोमबार

फेसबुकबाट तपाईको प्रतिक्रिया

Leave a Reply

Your email address will not be published. Required fields are marked *

%d bloggers like this: